A Asociación de Empresas de Servizos Forestais de Galicia creouse no ano 1997 como unha asociación sen ánimo de lucro, de empresas privadas e cooperativas con domicilio social en Galicia e que se estende ás comunidades castelá leonesa e madrileña.
Actualmente forman parte da Asociación 24 empresas con máis de 400 traballadores.
Con que fins fundouse a entidade?
• Co fin de representar, defender e promover os intereses comúns empresariais dos socios nos diferentes ámbitos e foros.
• Co fin de negociar, informar e transmitirlle á Administración os principais aspectos que preocupan as empresas do sector forestal.
• Co fin de fomentar a relación entre as empresas que se dedican á realización de traballos forestais; así como a difusión de coñecementos entre os mesmos. Organizar cursos, conferencias, viaxes de estudos etc. Encamiñados a un mellor coñecemento do sector así como á mellora tecnolóxica e lexislativa das empresas.
• Facilitar a máxima información os seus asociados.
• Fomento, mantemento, defensa e conservación dos montes galegos.
• Camiñar cara unha xestión sustentable dos nosos montes e a creación de emprego no medio rural.
